تجلس عجوز .. في أول السوق .. ـ
وبين الشبابيك .. وتبيع السوالف .. ـ
وأغصان المساويك ـ
ومايخالف .. لو باعتني الحكي .. ـ
الحكي غالي هـ الأيام .. ـ
مريتها .. ابي الكلام .. ـ
قلت : يا خاله أنا .. ـ
إن نسوني الناس .. زعلت .. ـ
وإلى إذكروني الناس .. زعلت .. ـ
صمتي وحروفي مبعثره .. ـ
ضحكت وقالت : ـ
لو عدلت .. سلمت قلب وحنجره .. ـ
ما عطيتها فلوس على هذا التعب .. ـ
وما ريحتني من التعب .. ـ
قمت وعلى عيوني غباش .. ـ
مدت لي مسواك جديد .. ـ
عييّت .. ـ
وقالت لي بلاش .. ـ
إن كانت سنونك نظاف .. ـ
حطه في جيبك يا ولدي .. ـ
يجلي محانيك الرهاف .. ـ
من كل إحساس ردي .. ـ
:: بـدر بن عـبد المحـسـن ::
السبت يوليو 05, 2008 9:26 am
